1. Assets (اموال) Enter Karein
Sabse pehle wo tamaam raqam aur asasa-jaat enter karein jo aik saal se aapki malkiyat mein hain:

Cash:
Ghar aur bank mein mojood raqm.
Metals:
Sona aur chandi ki mojooda market value.
Investment Plots:
Wo plots ya property jo munaafe ki niyat se (tijaarat ke liye) khareedi gayi hon.
Business Stock:
Karobar mein mojood maal-e-tijarat (stock) ki qeemat.


2. Liabilities (قرض) ki Katoti
“Debts” waale khaane mein wo raqm likhein jo aap ne kisi ki daini hai (maslan utility bills, karz, ya dukan ka udhaar). Calculator khud-ba-khud isay aap ki kul raqm se minus kar de ga.

3. Nisab ki Tashkees (Nisab Check)
Nisab Value:
Shariah ke mutabiq Zakaat tab farz hoti hai jab aapki net rakam 52.5 Tola Chandi ki qeemat ke braabar ya us se zyaada ho.
Current Rate:
Chandi ka rate roz badalta hai, is liye calculation se pehle aaj ka rate check kar ke “Nisab Value” ko update kar lein.

4. Result (نتائج)
Agar aapki raqm Nisab se zyqada hogi, toh tool 2.5% ke hisab se payable Zakaqt dikhaqye ga.
Agar raqm Nisab se kam hui, toh tool aapko alert kar de ga ke aap par Zakqat wajib nahi hai.

Smart Tips for Accuracy:
Ghar aur Gari:
Zati istemal ka ghar, gari, aur rozmarra ke saamaan par Zakaat nahi hoti, isliye unki qeemat enter na karein.
Jewelry:
Sirf us sonay/chandi par Zakaat calculate karein jo malkiyat mein ho (pehn-ne waale zaiwar par mukhtalif masaalik ki mukhtalif raaye hai, behtar hai ke ihtiyatan shamil kar liya jaye).
Efficiency:
calculator ko ramzan ya saal ke khaatmay par apni maali haalaat ka jaiza lainay ke liye maahaana bunyaadon par bhi istemal kiya ja sakta hai.

Disclaimer:
Ye tool sirf mathematical calculations mein aapki madad ke liye hai. Deeni masaail ki mazeed tasdeeq ke liye apne muqaami mufti ya dar-ul-ifta se mashwara zaroori hai.