Bseerat ke bghair taaqat tbaahi hai.
’”Ilm aur taaqat ka durust istemaal hi bseerat ka jauhar hai.” (Charles Spurgeon)
Dil ne daala tha darmiyaa’n ‘jin’ ko
Aik din aik tanha maahi geer ne samundar mein jaal dاala. Us ke hath peetal ki aik botal lagi, jis ka munh dhakkan se band tha aur us par mohr-e-Sulaimani sabt thi. Maahi geer is raaz se be-khabar tha ke botal mein aik khatarnak jin qaid hai jisay is liye qaid kiya gya tha ke insan us ke shar se mehfooz reh saken.
Mahi geer ne samjha; botal mein shaayad koi qeemti cheez hogi, is liye us ne dhakkan khol diya. Botal se dhua’n sa utha aur aik deo-haikal jin namoodar hua. Jin ne zor-daar qahqaha lagaaya aur dhaara, “Main baghaavat ki wajah se, hazaaro’n saal se is botal mein qaid tha aur bil-akhir azad ho gya hoon. Ab main tumhein halaak kar doon ga.”
Be-chaara mahi geer pehle to khauf-zada ho gya, phir bari mushkil se apne ausaan par qaboo paatay huay kuch soch kar bola, “Mujhe tumhaari baat par bilkul yaqeen nahi aa raha.
Tum is chhoti si botal mein kaise smaa saktay ho?”
Jab jin apni taaqat sabit karnay ke liye dobaara botal mein gya, mahi geer ne foran dhakkan uthaaya aur botal ka munh band kar diya phir usay poori quwwat se samundar mein phaink dia.
Barso’n baad, is mqaاm par usi mahi geer ke potay ne samundar mein jaal dاala aur wahi botal us ke hath aa gyi. Woh ise kholnay hi wاala tha ke usay apne baap daada ki nasihat yaad aa gayi;
“Insan sirf wahi cheez durust istemal kar sakta hai, jise istemaal karne ka ilm us ne seekha ho.”
Yeh soch kar us ne botal aik ghaar mein chhupa di aur mashwra lenay ke liye kisi dana shakhs ke paas hazir hua. Dana shakhs ne mashwara diya; woh jin se daulat aur taaqat mangnay ki bjaaye ilm aur bseerat maangay taa ke sach aur jhoot mein tameez kar skay. Kyun ke bseerat ke baghair naimatain bhi museebat ban jaati hain.
Nojwaan waapas aaya aur jin se us ki taaqat ka koi saboot maanga. Jin ne daawa kiya; woh botal ki qaid se nikalnay ke siwa, kisi bhi taaqat ka muzahira kar sakta hai. Nojwaan ne jin ko azad karne se pehle, us se apni fikri uljhan ki haqeeqat ke idrak ki salaahiyat maangi. Jin ne apni ma-wraai taaqat se usay haqeeqat ka idrak ataa kar diya.
Nojwaan ko apne aabaa ki nasihat ki haqeeqat aur jin ke raaz ka ilm ho gya aur us ka yeh shak bhi yaqeen mein badal gya;
Kya pata khaahishain na poori hon
Jin nikaltay hi hum ko khaa jaaye
(Shaayar: Faizan Hashmi)
Woh jaan gya; ab usay jin ki koi zaroorat nahi. Yeh maadi khzaanay aur jino’n ke karishmay mahz aik sraab hain.
Us ne bhi apne daada ki tarah botal samundar mein phaink di aur apni zindagi haqeeqi ilm ki tarveej ke liye waqf kardi. Woh umr bhar logon ko taleem deta raha;
Jo cheez insan ne seekh kar istemaal na ki ho, us ki taaqat us ke liye khatra ban jati hai.
Magar waqt guzarnay ke sath, logo’n ne us ki baato’n ka mafhoom kho diya. Us ki taleemat ki naqali kartay kartay aik nya mazhab sa ban gya, jis mein peetal ki botalian alaamtain ban gayien aur log fazool rasmo’n mein ulajh gaye.
Jab ke haqrrqat yeh thi;
peetal ki woh botal aaj bhi samundar ki taho’n mein maujood thi aur us ke andar jin gahri neend so raha tha. (Alif Laila)
Bseerat ke baghair taaqat tbaahi hai.
Hikmat aur bseerat ke baghair taaqat aik fitna hai. Isi liye Aldous Huxley ne hmain khabardaar kiya tha; Technology ki taraqqi ne hmain peechay ki taraf jaanay ke liye zyaada moassir zraaye fraaham kar diye hain. Hmaaray paas maloomaat ki bohtaat to hai magar bseerat ki shadeed kami hai.
Kisi brri quwwat ke husool se pehle apne andar usay sambhaalnay ka zarf paida karna bhi zaroori hai. Baqol Aflaton ; Agar insan ke paas adl aur aql nahi to usay kainaat ke asraar btaana usay paagal kar dainay ke mutaraadif hai.
Aap jin ko tabhi hazir karein agar aap ko usay waapas bhaijnay ka mantar bhi aata hai, basoorat-e-digar botal se nikle is jin ka pehla luqma aap hi hon gay.
’Jin’ pe takiya nahi, ‘jin’ se azadi zaroori hai.
Agar ‘diraayat’ ko chhor kar mahz ‘riwaayat’ ko muqaddas maan liya jaaye to insan haqeeqat se duur ho kar khurafaat mein gum ho jaata hai. Kisi dana ne kaha tha; rasm-o-rawaj is sachaai ka khushk chhilka hai, jo arsa draaz se rukhsat ho chuki ho. Mahi geer ke pairon-kaaro’n ne sachaai ka safar tark kar ke ‘botal‘ ko hi manzil maan liya tha jab ke hikmat is haqeeqat se aashnai hai ke bseerat ke sath sachaai ka safar jari rakhna hi, manzil hai.
Aur………;
Haqeeqi aazaadi jin ko ghulam bnaanay mein nahi balkay us ki zaroorat se azaad honay mein hai.
🌹 Sharing is Caring 🌹