یعنی جب سے میں گریباں کو گریباں سمجھا، جب سے اُسے چاک کیا کرتا ہوں، حاصل یہ ہے کہ جب سے مجھے اتنا شعور ہوا کہ تعلقاتِ دنیا مانعِ صفائے نفس ہیں جب ہی سے میں نے ترکِ دنیا کیا، لیکن اس پر بھی آئینہ دل صاف نہیں ہوا، بس ظاہر میں جو آزادوں کی سینہ پر ایک الف کھینچا ہوا ہوتا ہے وہ تو ہے صفائے باطن کچھ نہیں حاصل ہوئی اور گریباں تعلقاتِ دنیا سے استعارہ ہے، اس وجہ سے کہ یہ دونوں انسان کے گلوگیر ہیں۔ سینہ پر الف کھینچنا آزادوں کا طریقہ ہے اور یہ مضمون فارسی والے کہا کرتے ہیں اور پیشِ نہیں بیانِ حصر کے لئے ہے، مگر اُردو کی غواص کی نتحمل نہیں، یہ فارسی کا ترجمہ ہے۔