Andar se chamaknay waali roshni

“Jo baahir dekhta hai, woh khaab dekhta hai; jo apnay andar dekhta hai, woh baidaar hota hai.”
(Carl Jung)

​Insaani dimaagh ek maqnatees ki maanind hai; jo kuch hum apnay baaray mein sochtay hain, wohi rawaiyya doosray hmaaray baaray mein apnaatay hain. Duniya hamein usi qeemat par khareedti hai, apni jo qeemat hum khud lagaatay hain.

Insan ki apni zaat hi kainaat ka markaz hai. Agar markaz kamzor ho tau daayera kabhi mukammal nahi ho sakta. Khud par yaqeen na hona, zindagi ke bunyadi markaz se inhiraf hai.



​Sho’ba journalism mein naam kmaanay ke khaahish mand ek naujwaan journalist ne akhbaar mein ishtihaar parha to khayaal kiya ke yahi sunehri mauqa hai aur phir manzil paanay ki justuju mein ishtihaar mein darj phone number par call ki to usay kaha gaya; kal subah 10 bajay interview liya aa jaaiye ga.

​C.V hath mein liye, woh aglay roz subah sawairay hi udhar pohanch gya. Taa-hum, qadray mayoos hua kyun ke kai umeedwar us se bhi pehlay udhar qtaar bnaaye khrray thay. Woh qtaar mein khrra ho gya aur tmaam soorat-e-haal ka jaayezah leta raha. Phir jaanay kya khyaal aaya ke us ne kaaghaz ke ek tukray par koi tahrir likhi, aur secretary ko tahrir day kar takeed ki;
“Yeh bohat ahem hai is liye braah-e-karam foran Boss tak pohancha day.”

​Jab Boss ne woh tahrir parhi tau us ke labo’n par muskuraahat aa gayi aur woh khud us naujwaan se milnay ke liye aarzu mand ho gya jis ne yeh tahrir likhi thi.

​Naujwaan ne likha tha,
“Jnaab-e-mohtaram, mein interview ki qtaar mein daswai’n number par khrra ek qaabil naujwaan hoon. Meher’baani kar ke tab tak koi hatmi faisla na kijiyega jab tak aap mujh se mil nahi letay, shukriya.”



​”Jo roshni apnay andar se chamakti hai, usay koi madham nahi kar sakta.”
(Maya Angelou)