Chlai’n, ab khud ko bhi muaaf kar dai’n

​American Red Cross ki baani, Clara Barton ko ek roz uski dost ne yaad dilaaya ke barso’n pehle kisi ne us ke saath bahut bura sulook kiya tha.
Magar Clara ne yeh radd-e-amal diya ke us ne kabhi aisay wasqay ke baarzy mein suna tak nahi.

​”Kya sach much, tumhain yaad nahi?”
Dost ne poocha.

​”Nahi yaad, par mujhay theek se yeh yaad hai ke may usay bhool chuki hoon.”
Clara ne jawab diya.​



Kisi ko muaaf kar ke bhi us se intiqam ki khwahish rakhna, hmain maazi ki zanjeeron mein jakrray rakhta hai. Asl muaafi yahi hai ke dukh dainay waalay waaqay ko apni shanaakht ka hissa na ban’nay diya jaaye. Is tarah kam az kam hum us zakhm ko mundamil kar ke us ke takleef-deh dank ko apni yaad-daasht se baahar nikaal kar khud ko maazi ke dard se baandhnay ki bajaye us zakhm se chhutkaara pa saktay hain.

​Jab tak hum doosray shakhs ko uski ghalti par muaaf nahi kartay, hmaari us se jung jaari rehti hai, aur muaaf kar ke agar hum us shakhs ki ghalti ko fraamosh nahi kar daitay, hmaari khud se jung jaari rehti hai.

Muaaf karnay se muaafi maangna barra amal hai aur muaaf kar ke bhool jaana us se bhi barri baha aduri hai.