Khaab kau khaab ki khoraak nah milay tau yeh mar jaata hai.

Antonio Porchia nai poori umer khud kau m’aash kay bkhairo’n mai’n daalay rkha aur apnay behan bhaiyo’n ki kfaalat ki fikr mai’n zindgi basr kar kay chupkay se apnay khaaliq-e-hqeeqi kay paas pahunch gya. Antonio Pochia Italy mai’n paida huwa. apnay baap ki wfaat kay baad maa aur behan bhaiyo’n samait Argentina kooch kar gya. Us nay poori umer saadgi se basr ki aur apnay behan bhaiyon kay liye baap ki tarah sahaara bnaa rha.

Benjamin Franklin nay kahaa tha,
“Agar aap mrnay aur qabr mai’n jism kay bosidah honay kay baad bhi na-qaabil-e-fraamosh rehna chaahtay hain tau phir apnay baad ’qaabil-e- mutalaa‘ tehreerain chhorr jaaye’n ya ’qaabil-e- tehreer‘ kaar-naamay.‘‘

Antonio Porchia bhi apnay baad aqwaal ki aik chhoti si kitaab (Voices) chhorr gya. Us kitaab ka aik aik qol ‘johar Paara’ hai. Un aqwaal kau parh kar ajeeb si ruhaani taskeen aur suroor ki kefiyat haasil hoti ha. Us nay apnay andar dabkay baithay ehsaasat o jzbaat kau bay-hadd saada lafzo’n mai’n itni sahulat aur mahaarat se byaan kiya hai keh qaari un shaandar jumlo’n mai’n chhupay ’wujoodiyat kay karb‘ kay aisay bay-saakhtah izhaar par ’Aah‘ aur ’Waah‘ kay drmiyaan hee jhoolta rehta hai.
Apnay behan bhaiyo’n kay liye zindagi waqf krnay wala bil-aakhir apni tehreer kay zariye daayemi zindgi paa gya.
Darj zail chand chamaktay motiyo’n se aap bhi haz uthaayie.

٭ Jisay har shay ka khaali-pun nazar aa gya, woh jald yeh bhi jaan jaaye ga, har shay mai’n kya bhraa hua hai?

٭ Apnay rastay par chalnay se pehlay main khud hee apna raasta tha.

٭ jis nay mujhay kchay dhaagay se baandh rkha hai, yeh us ki taaqat ka kmaal nehi balkay woh dhaagah taaqatwar hai.

٭ Meri ghurbat mukammal nehi, isay abhi mera wujood drkaar hai.

٭ Agar nazrai’n uuper nehi uthaao gay tau isi khush-fehmi mai’n rho gay, tum buland tareen mqaam par braaj’man ho.

٭ Aisa koi bhi nazar nah aaya jis kay jaisa main bun paata, is liye may aisa hee rha۔

٭ Bay-yqeeni kau bhi aik kamzor se yqeen ka marz laahiq hota hai.

٭ Jaanta hoon, teray paas kuch nehi. Isi liye tau tujh se sab kuch mang rha hoon ta keh teray paas sab kuch ho.

٭ Har koi yaad bun jaanay ki aٓas mai’n jeevan ka bojh uthaaye huway hai.

٭ May nay us matti kau kabhi chhuwa tak nehi, jis se mera khmreer uthaaya gya.

٭ Sotay waqt, may khaab dekhta hoon keh may khaab dekh rha hoon aur jab baidaar hota hoon tau aik musalsal tveel khaab ki aٓaghosh mai’n so rha hota hoon.

٭ Logo’n nay tum se mohabbat krna nehi balkay dhoka dena chhorr diya hai aur tum is dhokay mai’n ho keh unho’n nay tum se mohabbat krna chhorr di.

٭ Jab kabhi yeh ehsaas ghaalib aa jaaye keh may jahannum mai’n ghira hua hoo’n tau phir mujh se aansu bhi bahaaye nehi jaatay. Tab sujhaayi hee nehi deta keh aansu bahaau’n tau kis baat par?

٭ Logo’n kay qreeb aa kar hee tum us faaslay kau jaan paao gay jo tumhai’n un se duur kurta hai.

٭ Jo duniya kay khaali-pun kau khud-fraibiyo’n se nehi bhrta; woh tanhaa reh jata hai.

٭ Tumhai’n yeh khush-fehmi keh tum mujhay qatl kar rehay ho aur mujhay yeh khauf keh tum khud-kushi kar rehay ho.

٭ Juzv jab tak juzv rehay shor krta rehta hai, aur jab aik baar kul bun jaaye tau khaamosh ho jata hai.

٭ keecharr, keecharr se alag ho jaaye tau keecharr nehi rehta۔

٭ Jab kabhi, zehan mai’n aisa khyaal aaye jis ka talluq duniya se nah ho, tau yuu’n lgta hay, jisay is duniya ki wus’at aur barh gyi hai.

٭ Adamm mahaz adamm nehi balkay hmaari qaid-gaah bhi hai.

٭ Din bhi phir us ka mazaaq nehi uraata jo apni raat ka mazaaq nehi uraata.

٭ Jis lamhay mujhay yqeen ho keh pathar sirf pathar hai aur baadal faqat baadal hay; tau dr-asl, woh mera lamha-e-tghaaful hai.

٭ Tumhaaray haath mai’n pakra huwa phool yuu’n tau aaj hee khila hai magar ab us ki umar bhi utni hai jitni keh tumhari hai.

٭ Kabhi tau yuu’n lgtaa hai, jo dekhta hoon, woh maujood hee nehi kyun-kay jo dekhta hoon isay pehlay se daikha hota hai aur jo mra daikha huwa hai, woh tau hai nehi.

٭ Kuch aziyyatai’n apni yaad-daasht kho chuki hai’n. Aur ab tau unhai’n yeh bhi yaad nehi keh woh aziyyat kyun hai’n.

٭ kehnay waalay yehi kahai’n gay; tum ghalat rastay par ho, agar rastah tumhara apna hai.

٭ Pankkh, zameen hota hai aur nah aٓasmaan.

٭ Hum sab ki aik aik duniya hai magar hum sab ki aik duniya nehi hai.

٭ Zakhm halka ho tau mai’n aahai’n bhrta rehta hoon aur jab gehra ho jaaye tau mujhay chup si lagg jati hai.

٭ May har cheez se aik qadam duur chlaa aaya hoo’n aur ab may har cheez se aik qadam faaslay par hoo’n.

٭ Aansuwo’n se bhi zayada aziayyat-naak cheez un ka nzaarah hai.

٭ Gham hmaara peechha nehi krta; hmaaray aٓagay aٓagay chlta hai.

٭ Yeh duniya lafzo’n kay bina kuch samajh nehi paati aur afsos tum nay duniya main lafzo’n kay bghair hee janam liya.

٭ khuda nay insaan kau bay-hadd ataa kiya hai magar insaan phir bhi insaan hee se kuch chaahta hai.

٭ Jab sab kuch khatam ho jaaye, tau har subah ka haseen manzar bhi udaasi liye aata hai.

٭ Siraat-e-mustaqeem par chalnay se faaslay kumm ho jaatay hain, aur zindagi bhi.

٭ Jab kisi kay paas koi khzaana nehi hota tau phir raat se barrh kar khzaanah aur kya ho skta hai.

٭ Darakht tanhaa hotay hai;n, baadal tanhaa hotay hai’n, har cheez tanhaa hoti hai jab may tanhaa hota hoo’n.

٭ Aik sdee bhi aik lamhay mai’n aisay ghaaib ho jaati hai, jaisay aik lamha, doosray lamhay kau nigal jata hai.

٭ Kabhi kbhaar, raat kay waqt roshni sirf is liye jlaata hoo’n keh mujhay kuch dikhaayi nah day.

٭ Jo shakhs buraaii ki qaid main hai, woh is khauf ki bina par fraar nehi chahta, kehi’n buraaii ka saamna hee nah krnaa parr jaaye.

٭ Agar tum apni raah nehi badal rehay tau apna rahnuma kyu’n badal rehay ho?

٭ May nay aik murdah shakhs daikha aur us kay saamnay may___ hqeer, hqeer-tar, mzeed hqeer-tar k hota chlaa gya. O meray khuda! aik murdah shakhs kis qadr brraa hota hai.

٭ Haan! insaan kau aziyyat bardaasht krni chahiye, chaahay la-haasil hee sehi, ta keh us ka zindah rehna la-haasil nah jaaye.

Koi nehi samajh paaye ga, tum apna sab kuch day chukay ho, is liye mzeed ataa krtay chlay jaao.
Jo yqeen krna hee nehi jaanta, Usay jaan-na bhi nehi chaahiye.

٭ Bohat kumm log fnaa tak pahunch paatay hai’n kyun keh yeh rastah hee bohat tveel hai.

٭ May apnay andar is qadr kam hoo’n keh log mujh se jaisa bhi brtaao krai’n, may Khaatir mai’n kumm hee laata hoo’n.

٭ Apnay wujood ka kuch hissa jahaa’n hum nay rakhaa hota hai, hmai’n hamesha yqeen hota hai keh wahaa’n kuch hai, khaw wahaa’n kuch bhi nah ho.

٭ kaash! yeh aik lamha hamesha aisa hee rhay, koi aik sitaara, koi aik baadal apni jagah se nah htay, kaash ! kaash yeh aik lamha.

٭ Jab kisi kau yeh ehsaas ho jaaye keh mazaaq ka markaz khud us ki apni zaat hai, tau phir woh kabhi nehi hansta.

٭ Meri khaamoshi mai’n sirf meri aawaaz hee ghaaib hai.

٭ Kuch cheezai’n is tarah mukammal taur par hmaari zaat ka hissa bun jaati hai’n, hum unhai’n bilkul fraamosh kar detay hain.

٭ Aik shakhs ka aitraafi jurm, sab kau munksir-ul-mizaaj bnaa deta hai.

٭ Meray paas kuch bhi tau nehi siwaaye duuriyo’n kay.

٭ Jab may maroo’m gaa, tau yeh pehli baar ho ga, may khud kau mrtaa huwa nehi daikh paau’n ga.

٭ Haan, may jaa rhaa hoo’n. Tum par aansu bahaanay se tae kehee’n bahtar hai, may tum se duuri par aansoo bahaau’n.

٭ May jaanta hoo’n, may nay tumhai’n kya diya hai magar mujhay yeh nehi maloom, tum nay lia kya hai.

٭ Chaahay kehi’n se bhi shuru’aat karo, koi farq nehi prrta, sab rstay adamm hee par khatam hotay hai’n.

٭ Brraa dil thori si cheez se bhar jaata hai.

٭ Tum un se bandhay huway ho, magar tumhai’n wajah nehi maloom kyun keh woh tum se nehi bandhay huway.

٭ kisi cheez ka khonaa, hmai’n tab tak afsurda rakhta hai jab tak hum usay mukammal kho nah dai’n.

٭Tumhai’n gham hai keh logo’n nay tumhai’n chhorr diya, aur tum giray phir bhi nehi.

٭ Har cheez mai’n kuch nah kuch tareeki hoti hai, htaa keh roshni mai’n bhi.

٭ Haan, may apna hee aseer hoo’n magar ab tau may yeh bhi bhool gya hoo’n keh is baat ka matlab kya hai.

٭ Mujhay tum se ittefaaq nehi lekin agar tumhai’n bhi khud se ittefaaq nehi tau mujhay tum se ittefaaq hai.

٭ Kuch cheezai’n sirf apnay wujood kay khaali-pun kau zaahir krnay kay liye meri ho gyi’n.

٭ Jab kisi khoyi huyi cheez kau phir se kehi’n dekhta hoo’n tau sab se pehlay yeh khalish utthti hai, may usay kho baitha hoo’n.

٭ Meray takhayyul ki aaٓzaadi ki qeemat mujhay zameen se baandh kar li gyi.

٭ Kho denay ka darr hee h’mai’n aik doosray se jorray rkhta hai.

٭ Jab yeh ehsaas ho keh tum meri baat ghor se sun rehay ho, tau yuu’n lgta hay; mukhaatib tum ho, aur sun may rha hoo’n.

٭ Kisi aik cheez mai’n har cheez dekhnay ki nisbat meray liye yeh zyaada aaٓsaan hai keh har cheez mai’n aik hee cheez nazar aaye.

٭ Jab bhi neend se baidaar hota hoo’n, yehi ehsaas hota hai keh ” nah honay” mai’n kitni sahulat hai.

٭ Jab may jannat mai’n daakhil hoo’n ga tau apna jahannum bbhi saath lay kar jaaoo’n ga, tanha kabhi nehi jaaoo’n ga.

٭ Jo cheez jis jagah tabdeel hoti hai wahaa’n aik khhulaa chhorr jaati hai.

٭ Insaan kamzor hai magar jab woh Taaqat ka daawa krta hai tau phir woh kamzor-tar ho jaata hai.

٭ Hqeeqi ashiyaa ka wujood hota hai magar afsos hum ghair hqeeqi ashiyaa ki khubiyaa’n ya khaamiyaa’n un se mansoob krtay rehtay hai’n.

٭ Jahaa’n har koi aansu bahaa rha ho, wahaa’n aaٓh-o-zaari sun-nay wala koi nehi hota.

٭ Sooraj raat kau roshan krta hai, usay roshni mai’n tabdeel nehi krta.

٭ Jab may usay duur phainkta hoo’n jis cheez ki mujhay talab nehi hoti tau woh meray qadmo’n mai’n aa girti hai.

٭Har khilonay kau tootnay ka haqq haasil hai.

٭ “Woh sab meray jaisay hain”, may khud se kehta hoo’n, aur is tarah may un kay khilaaf apna difaa krta hoo’n aur is tarah may apnay khilaaf apna difaa krta hoo’n.

٭ Apni jo cheezai’n may mukammal taur par kho chukaa hoo’n, dr-asl woh cheezai’n hai’n , jinhai’n may nay kho diya tau woh kisi aur kau bhi nah mil paayi’n.

٭ Har woh cheez jisay may apnay andar qaid kar leta hoo’n jaanay kahee’n aur woh aaٓzaad ghoomti kyun dikhaayi deti hai.

٭ Meray andar aik murdah shakhs zindah rehnay kay dard ki aziyyat bardaasht krta chlaa ja rhaa hai.

٭ Koi bhi h’main us paar jaanay main madad nehi day skta, kyun keh us paar sirf tareek khhlaa hai.

٭ Bhray huway dil mai’n har cheez kay liye jagah hoti hai aur khaali dil main kisi cheez kay liye gunjaaish nehi hoti. Ab yeh baat kaun samjhay?

٭ Choo’n-kay may hamesha yehi dua krta rehta hoo’n, meray saath aisa ho jaaye is liye meray saath jo bhi ho rhaa hota hai us kay liye may kbhi tayyaar nehi rehta۔ kabhi nehi.

٭ Agar ab bhi tumhaaray paas kuch hai tau tum nay abhi sab kuch nehi khoya. Ab bhi tumhaaray paas khonay ko kuchh hai.

٭ Jin bcho’n ka haath koi nehi pakrta sirf unhi ko yeh ehsaas hota hai keh woh bchay hai’n.

٭ Mohtaaji hee insaan kau mohtaai se guraiz sikhaati hai.

٭ khtaa ki khulay aam sarznish aik aur khtaa hai.
JO baat kisi nay mujh se brso’n pehlay kehi thi, usay may aٓaj sun rhaa hoo’n.

٭ Jin zanjeero’n se may bndhaa hoo’n, jab un mai’n se koi bhi tornay ki koshish krta hoo’n tau yuu’n lagta hai, may khud kau kumm-tar krta chlaa jaa rhaa hoo’n.

٭ Jisay woh chashma hee nehi milta, jis mai’n us nay aansu bahaanay hai’n; woh bay-chaarah rotaa hee nehi.

٭ Tum hamesha khaabo’n ka zikr krtay rehtay ho, aakhir khaab daikhtay kab ho?

٭ Jis nay hzaaro’n cheezau’n ijaad kee’n aur jis nay kuch bhi ijaad nehi kia, dono mai’n aik si talab baaqi rehti hai, keh kuch ijaad krai’n.

٭ Jab may kisi zi-nafs kay qreeb hota hoo’n tau us se aٓashnaayi ki talab duur bhaag jaati hai, aur jab us se duur hota hoo’n, tau aaٓshnaayi ki wohi talab phir say meray paas aa jati hai.

٭ Jab woh mujhay ‘apna’ keh kar pukaartay hai’n tau phir may ‘koi bhi nehi’ hota.

٭ Jo apni roti se behisht tameer krta hai, woh apni bhook se jahannum ki bunyaad bhi rakh leta hai.
kisi kau draanay ki nisbat khud darr jaana kumm tehqeer-aaٓmaiz baat hai.

٭ Aap kau aansuwo’n ka woh darya kabhi dikhaayi nehi day ga jis mai’n aap kay apnay aansu shaamil nehi hai’n.

٭ Har aik se talkh lehjay mai’n apni mehroomio’n ka shikwa nah karo kyun-kay shaayad har koi in mehroomio’n ka juzvi taur par zimmaa-daar hota hai.

٭ Jis nay khuli aٓankh se koi manzar daikha, woh usay dobaarah bhi dekh skta hai magar ab kay aٓankh band kar kay.

٭ Jo phool bay-mosam khilaa hai, us ki afzaaish nah honay dau.

٭ Mera khush qismat tareen din aaya aur rukhsat bhi ho gya, par may nehi jaanta keh kaisay. kyun keh jab woh aaya tau subah ka ujaala hee nmoodaar nehi huwa aur jab rukhast huwa tau shaam kay jhatt’ptay se nehi guzra.

٭ Jo cheez talab kartay hee mil jaaye, us ka milna bay-suud hai aur us ki talab bhi bay-kaar.

٭ Khaab kau khaab ki khoraak nah milay tau yeh mar jaata hai.

٭ Mujhay jis cheez ki talab hai, woh us ka naam jaantay hain aur yuu’n woh is waham mai’n hai’n keh woh jaantay hai’n, mujhay kis cheez ki talab hai.

٭ Lau, tumhari talab rukhsat huyi kyun keh tum aa gye ho.

٭ Woh kum-tar hai jo khud kau dikhanay kay liye khud kau chhupaata hai.

٭ Tareef krnay ki nisbat mohabbat krna. meray liye hamesha aaٓsaan tha.

٭ Jin zanjeero’n nay h’mai’n mazbooti se jakarr rkhaa hai, wohi tau hai’n jinhai’n hum aik baar torr chukay hain.