Ronay mai’n madad krai’n

kisi afsurda shakhs kau tasalli dena aur us ka gham baantna insaan ka martbah buland tar kar deta hai. Lekin baaz auqaat gham aisa gehra hota hai, lafzi tasalli km parr jati hai. Gham se staaye huway aisay shakhs ki haalat us khastah diwaar ki maanind hoti hai, idhar tasalli bhray alfaz ka aasra mila aur udhar dwaar zameen par aa pri.
Tab shaayad kuch zyada ehtmaam ki zrurat hoti hai. Aisay shakhs kau pur sukoon krnay kay liye apna kandha paish krna aur us kay aansuon ki dastaan tab tak sun-na zroori ho jata hai, jab tak woh saari dastan-e-gham nah keh day۔ Warna us kay aansuon main haklaahut rehti hai, aur hichkiyan ruknay ka naam nehi laiteen.
Aisay main un kay aansuon main luknat nah aanay dain.
Ronay main un ki madad krain.

Musannif aur lecturer Buscaglia nay aik bar kisi muqaablay ka zikr kiya. Jis main us nay judge kay fraaiz anjam diye thay. Us muqaablay main” most caring child” ka intikhab krna tha.
Yeh Title chaar saala bchay nay jeet liya, jis kay prros main aik brray mian ki zauja ka haal hee main inteqaal huwa tha. Brray mian ka sdmah bay-hadd gehra tha aur woh musalsal aٓh o zaari kar rehay thay. Yeh drd bhri aahain sun kar nannha farishta seedha un kay ghar gya, un ki gaud main chhlaang lgaai aur foran un kay kndhay kay sath lagg gya.

Jab waapas aaya tau maa nay poocha;
“Us nay brray mian kau kaisay chup kraaya?”
Us masoom nay jwaab diya.
“Main nay aur kuch nehi kiya, bus ronay main un ki madad ki۔”