Meri dua hai, teri aarzu badal jaaye
Hmain apno’n ghairo’n se aksar yehi shikwa rehta hai, unhon nay hmain hmaaray hissay kay sukh nehi diye. Is nay zakhm diye, us nay dhokay diye. Flaa’n nay hmaara yeh haqq chheena, flaa’n nay kisi laaiq nehi samjha. Aap nay aaj tak meray liye kya kiya, aaj tak mujhay kya diya? Yeh nah hota tau main us mqaam par hota, woh nah hota tau main sab jeet chukaa hota۔
Hmaaray paas shikayaat aur doosron se waabasta nah poori honay waali adhuri khaahishat ki aik nah khatam honay waali kahaani hoti hai.
Iqbal kehtay hain;
Teri duaa hai keh ho teri aarzu poori
Meri duaa hai teri aarzu badal jaaye
kaisa kmaal ho, agar hum doosron se shikayaat ki bjaaye, is funn main kmaal haasil krnay ki koshish krain keh doosron nay jo hum se tawaqqoaat lgaai hain, hum nay unhain poori krnay ki kitni koshish ki hai. Yeh hisaab bhi lagaayen, hum nay doosron kau kya diya.
Aik bar aarzu ka rukh bhi badal kay dekhain; shaayad is taraf rooh kay liye sukoon hee sukoon ho.
Aayen nannhay Chad se kuchh seekhnay ki koshish kartay hain.
Aik roz, us nay apni maa kau btaaya, Friendship Day par woh poori class kay liye cards bnaaye ga. Maa ka dil doob gya. Woh aisa kuch nehi chaahti thin. Unhon nay keyi baar mehsoos kiya tha; chhutti kay waqt school se ghar aatay huway Chad hamesha sab se peeche hota hai. Sab bchay aapas main hansi mazaaq kartay hain magar Chad hamesha tanhaa hota hai.
Phir bhi maa nay faisla kar liya, woh apnay betay ka sath dain gi. Unhon nay chart papers, glue aur colors khareed liye. Raaton kau dair tak jaag kar Chad nay brri mashaqqat se paintees cards bnaaye.
Jab Friendship Day aaya, woh bay-hadd khush tha. us nay brri ihtiyaat se cards ikathay kiye, apnay baig main daalay aur school kay liye nikal prra.
Maa nay apnay betay kay pasandidah Biscuit bnaanay shuru kar diye ta keh jab woh waapas aaye tau thnday doodh kay glass kay sath narm garm biscuit apnay betay kau paish kray. woh janti thin, un ka beta mayoos lotay ga. Woh kisi tarah us ki tkleef kam krna chaahti thin. Unhain yeh khyaal khaaye ja rha tha; shaayad un kay betay kau zyada cards nah milain aur yeh bhi mumkin hai aik bhi card nah milay.
Apna kaam mukammal kar kay jab woh betay ki muntazir thin, unhon nay glee main bchon ka shor sun kar khirrki se baahir dekha. Hasb-e-mamool, sbhi bchay hanstay kheltay aa rehay thay aur hamesha ki tarah un ka beta sab se peeche tha. lekin us ki raftaar aٓj qdray tez thi. Maa kau khadsha tha, junhi woh ghar main daakhil ho ga, phoot phoot kar rona shuru kar day ga. Maa nay dekh liya tha, betay kay haath khaali thay.
Jab drwaaza khula tau woh ba-mushkil apnay aansu zabt kar kay bolee’n,
” Surprise !۔۔۔۔. Mama aaٓj apni jaan kau us kay pasandidah biscuit aur doodh paish krain gi.”
Lekin woh shaayad apni maa kay alfaaz theek se sun hee nah paaya aur chamaktay huway chehray kay sath aٓgay brh kay chillana shuru ho gya,
”Aik bhi nehi , koi aik bhi nehi”
Maa ka dil baith gya.
Baitay nay phir se kahaa,
” Koi aik bhi nehi, jisay may nay card nah diya ho, koi aik bhi nehi jisay may bhoola hoon.
🌹 Sharing is Caring 🌹