Ktoray

Kisi jaadugar nay koi mantar phoonk kar hum sab kay haath main aik aik ktora thmaa diya hai. Sab kay ktoron main Information ka thaa’thai’n maarta samundar hai. Aksar ktoron kay uup’ree kinaaro’n se Information baahir chhalak rehi hai. Hum aik doosray par ktoray undailtay chlay ja rehay hain.

Magar in ktoron kau chakhhnay ka waqt kisi kay paas nehi.

Jaadugar ka kmaal daikhai’n; Ktoray sab kay bhray huway hain lekin hum khud andar tak khaali hain.

T. S. Eliot ki rooh musalsal cheekh rehi hay;
We are the hollw men…..

Magar us ki sdaa hmaaray khokhlay Wujood se tkraa kar waapas lautt rehi hai kyun-kay hum apnay andar se kab kay nikal kar Information kay apnay apnay ktoray k andar bhrpaa toofaan mai’n doob chukay hain.