The InKtrepreneurs’ Den
Stay InKspired!
tu kaar-e-zmee’n raa nekuu saakhti
Kay baa aasmaa’n neez pardaakhti
(Sheikh Saadi)
kya tu nay zameen ka kaam sanwaar liya hai jo aasmaan ki taraf Parwaaz kar rhaa hai?
“The Inkspirations” dar’asl dauraan-e-mutalaa mukhtalif kutub se haasil ki gayi woh khushbu hai jo aag’hee aur baseerat se dil-o-dimaagh ko moattar kar deti hai. Khushbu ki fitrat main thehraao to hai nahin, bal’kay musalsal safar hai. Kisi khayaal kay halkay se jhonkay kay saath hi yeh naye lafzon ka labaadah orrh kar phir say rakht-e-safar baandh leti hai. Yeh tehreeren bhi khushbu kay usi la-mutanaahi safar ka aik khaamosh tasalsul hain.
Sab kuch pehlay se kahaa ja chuka hai, lekin choon’kay koi theek se sun nehi rha tha, h’main dobara aaghaaz karna parray ga. (Andre Gide)
Intisaab
Maa’n kay Naam
Meri Maa’n ne mai’ray liye h’mesha itni zor se taaliya’n bjaai’n keh mujhay kabhi ye kh’yaal hi na aaya, kis kis ne taali nahi bjaai.
( Musannif: Na-Maloom)