Rakkhee’n lokaa’n naal Faqeera aisa behn khlon
Aap chahain tau apni shakhsiat kau khushbu main dhaal lain, jo sab kau Rahat deti hai. Chahain tau, grd o ghubaar ki maanind bunn jaayen, jis kay khatam honay kay baad hee saans bahaal hoti hai.
Bqol Oscar Wilde,
’’ kuch log jahaan jaatay hain wahaan khushi aa jati hai aur kuch log jahaan se chlay jaatay hain wahaan khushi aa jati hai.‘‘
Yeh hmaaray apnay ikhtiyar main hay;
Hmaaray aanay se mehfil main raunaq aaye ya hmaaray jaanay kay baad logon kau khushi ka ehsaas ho.
Agar logo’n se hmaara brtaao Shaista aur masbat ho, tau un kay liye hmaari shakhsiat main dilkshi baqi rehti hay. Agr hum sir ta paa manfi sochon aur amal se bhray rahain tau doosron kay liye hum bojh kay siwa kuch nehi hotay.
Faisla hmaaray haath main hay;
Log hmaaray jaanay kay baad ro kar hmain yaad krain ya phir kalma-e-shukr adaa krain.
Rakkhee’n lokaa’n naal Faqeera aisa behn khlon
Kol howai’n tay hassan saaray nah howai’n tay raun
(Faqeer Muhammad Faqeer)
(Logon kay sath aisay maamlaat rkho; Aap un kau muyassar hon tau unhain khushi ho, un se duur hon tau woh aap kau yaad kar kay royain.)
Kansas City main, sakht garm, habs aٓalood dau-pehar main, aatth ghantay ki duty, aik pukhta Umar driver kay liye pehlay hee tkleef-deh thi. uuper se bus main swaar kisi na-maloom preshani ki shikaar aik khatoon aisay ghair muhazzab jumlay bolay ja rehi thi, jinhain duhraaya bhi nehi ja skta. Bus driver apnay uuper lgay sheeshay se gaahay bgaahay mushahida kar rha tha. Us khatoon ki bad-zbaani par sbhi musafir dil brdaashta thay.
Kuch dair baad jab woh khatoon bus se utarnay lgi, tab bhi barr-brraaye ja rehi thi.
Junhi woh neechay utri, driver brray tahammul zdaah lehjay main bola:
”Mohtarmah! mujhay yqeen hai, aap peechay kuch chhorr kay ja rehi hin.”
Woh forran peeche murr kay ghbraahutt main boli,
”Acha? kya hai woh?”
” bay-hadd bura taassur” bus-driver nay jwaab diya.
🌹 Sharing is Caring 🌹