Dau qadam aur justuju kar lo

insaan apni aakhri saans tak apnay liye zindagi main chhupay maani ki khoj main lagaa rehta hai. kabhi kabhi tau lgta hai; yeh aik nah khatam honay wala safar hai, jaise kisi tread-mill par musalsal dortay chlay jaana, aur dornay kay is amal main aksar yeh bhi yaad nehi rehta, hum chalna tau kab ka bhool chukay hain.
Phir bhi hum khud kau kisi survival movie ka hero maan kar safar jaari rkhtay hain aur itni tg-o-dau kay baad bhi shikast baazu phhailaye hmaari raah main khrri hoti hai.

kabhi kabhi lgta hai, khoj kay is pathar kau uthaanay ka yeh safar Sisyphus ki szaa jaisa hai, jisay aik pathar roz pahaar ki choti par dhkailna prta tha. jaise hee woh pathar choti par pohuncta, woh phir se neechay ki taraf lurrhk jata.

Hum khud kau khojtay hain. Maqsad talaash kartay hain. Aik musalsal jang lartay hain, jo kisi aur kau dikhaaii nehi deti. Aik musalsal cheekh, jo kisi aur kau sunayi nehi deti. Hum apna kirdaar intehaayi lagan se nibhaatay hain magar taali ki goonj keheen sunayi nehi deti.
Is bay-mani, bay-rabt daurr kau mani ata krna hee zinda-dili hai. Haar jeet se bhi zyaada ehm baat yeh hai, hum aakhri dam tak is khel kau jaari rkhain.


Brtaanvi falsfi aur ryazi-daan ’Thomas Carlyle‘ nay apni mash-hoor kitaab ’The French Revolution‘ keyi bars ki musalsal mehnat se mukammal ki aur phir us ka musawada nazar-e-sani kay liye aik dost kau diya. Dost kay ghrailu mulaazim nay rdee kaaghaz jlaatay huway woh musawada bhi ghlti se nzr-e-aatsih kar diya. Carlyle nay tveel mashaqqat kay baad zindgi kau jo mani ata kiya tha, woh lamhon main bay-mani ho gya.

Is saanehay ki khabar paa kar yaqinan us kay andar bhi aik khamosh cheekh buland huyi ho gi lekin us nay is cheekh kau khamoshi se apna zaad-e-raah bnaaya, az-sray-nau kaam shuru kiya aur apni kitaab dobaarah mukammal kar li.


Zindgi kay gumshudah mani kau dobaarah se talaash krna jeet se bhi aagay ki jeet hai.