Aik nannhi larki ka Amreeki Sadr kay naam Khat

Amreeki sadr Abraham Lincoln kau aik chhoti si bachi Grace Badell nay khat likha; agar woh daarhi rakh lain tau un ki shakhsiat Bawqaar ho jaaye gi kyun keh un kay rukhsar bohat pichkai huway hain.
Lincoln nay us masoom bachi kay mshwray par amal kar kay nah sirf us bachi balkay awaam ka bhi dil jeet liya.

Lucille nay is dilkash tareekhi waqaye kau brray khubsurat andaz main byaan kiya hai۔

Westfield Town, New York main, 1860′ kay aktoobar ki aik shaam aik gyarah saalah bachi Grace Badell apnay kmray main aik tasveer kau ghoor rehi thi, jo us kay baap nay abhi abhi usay di thi. Yeh koi drawing ya painting nehi thi , par woh Lincoln kay sir ka aik aik baal aur us kay libaas ki aik aik teh ba-asani dekh pa rehi thi.
kmray ki roshni main Lincoln kay pichkay huway gaal waazeh nazar aa rehay thay.
”Daarhi?, ” Woh foran chamak utthi.
” kitni pyari lgay gi.” us nay khud se kahaa ,” koi unhain btaaye keh khwateen mardon kay chehray par daarhi pasand krti hain.”
Agar woh daarhi rakh lain , tau khwateen apnay shohron se israr krain gi keh woh unhain hee vote dain . Yuun woh Sadr bun jaayen gay……. Main unhain zroor btaoon gi.”
Us nay kaaghaz qalam pakra aur Lincoln kau khat likhna shuru ho gyi.

Mr. Abrahm Lincoln!
Janaab-e-Aali,
Main gyarah saal ki aik chhoti si bachi hoon par chaahti hoon keh aap Amrika kay Sadr bnain. Umeed krti hoon keh aik nannhi larki ka itni brri hasti kau khat likhna, gustakhi nehi khyaal kiya jaaye ga.
Kya meri Umar ki aap ki koi bachi hai? Agar hai , tau usay mera pyaar dain aur usay kahain keh mujhay us khat ka jwaab day, agar aap kay paas waqt nehi hai . Meray chaar bhai hain aur un main se kuch aap kau vote dain gay. Agar aap daarhi rakh lain tau main baqi bhaiyon kau bhi kahun gi keh aap kau vote dain. Sach main aap bohat pyare lgain gay, kyun-kay aap ka chehra bohat dubla patla hai. Sab khwateen mardon ki daarhi pasand krti hain aur woh apnay shohron se israr krain gi keh aap kau vote dain, phir aap Sadr bun jaayen gay.
Grace Badell

Un dino’n sdaarti muhim main roz taqriban 50 khat mosool hotay. . Lincoln sirf doston aur ehm afraad kay khat dekh pata tha us kay dono secretaries , John Nicolay aur John Hay kay khyaal main baqi daak ghair ehm thi, is liye Lincoln tak nah pahuchaate thay.
John Hay nay jab Grace ka khat prhaa tau usay yeh idea pasand aaya, par John Nicolay mutasir nah huwa aur tjveez di , Grace ka khat rdee ki nzr kar diya jaaye. Dono nay khoob behas ki , lekin aik doosray se muttafiq nah huway. theek usi lamhay Lincoln tehalta huwa kmray main aa gya. Woh khat lay kar prhnay lagaa. Jald hee us kay chehray par khushi ki aik lehr utthi.
kuch dinon baad Grace kau aik khat mosool huwa.

Pyaari Nannhi Khatoon!
15 aktoobar kau aap ka mohabbat naamah mila. Afsos! Yeh kis tarah likhoon, meri koi beti nehi hai , lekin meray teen betay hain jin ki umar satrah, nau aur saat saal hai woh , aur un ki walida; bus yehi meri family hai. Jahaan tak daarhi ka maamla hai, woh tau hai hee nehi aur agar main ab rakh luun tau kya khyaal hai , log isay ahmqana si chon-chlay bazi nah samajh baithain.
aaap ka bohat zyada khair andaish,
Abrahm Lincoln

Jab Grace nay yeh khat prhaa tau aap us larki kay khushi se bhrpoor us jazbay kau tasawur main la sktay hain.

Aglay saal, 16 Farwari kau, aik khusoosi Train nau muntkhab Sadr Lincoln kau Illionis se white House lay ja rehi thi. Westfield kay logon kau maloom huwa , Train wahaan kuch dair rukay gi. Yeh khabar sun kar Badell family bhi apni beti Grace kau liye us roz station pahunch gyi.
Grace itnay saaray ajnabi chehray dekh rehi thi keh achanak khamoshi chha gyi. Sab log kuch sun-nay kay liye mutajassis thay yka-yuk sdaa buland huyi, ”Train aa gyi, Train aa gyi.”

Grace ki nigahen buland hoti gyi’n aur apnay saamne itnay sron kay drmiyaan usay dheere dheere harkat krta black engine nazar aaya, aur phir usay keyi tarah kay hat dikhayi diye aur us kay baad woh bus aik ooncha siyaah hat hee dekh paayi. kuch log cheekh rehay thay, ” taqreer! taqreer!” Grace ki saansain jaise ruk si gyin. Us kay ird gird log khamosh thay.
Phir usay sunayi diya, ” khwateen o hzraat , is waqt meray paas koi taqreer nehi aur nah taqreer krnay ka waqt hai. Main aap kay saamne sirf is liye haazir huwa hoon , aap mujhay aur main aap kau dekh skun. Grace barf ki maanind jumm gyi. Yeh tau Lincoln thay. Yeh unhi ki awaz thi. Woh Plat-form par maujood thay. Us nay unhain dekhnay ki poori koshish ki lekin ba-mushkil un ka black hat hee nazar aaya.
Lincoln nay phir se baat ki, ” Is parcham kay saaye tlay, aap se aik swaal hai; kya aap meray sath taawun krain gay, jaise keh us mulk kay Sadr kau zrurat hai.”
Logon nay apnay hat hwaa main uchhaalay, baazu hilaaye aur chillaye, ” hum aap ka sath dain gay, zroor dain gay. ” aur phir woh khamosh ho gye kyun-kay Lincoln kuch aur bhi kehna chah rehay thay.

” Isi jagah se, mujhay aik larki nay khat likh kar mashwara bhi diya tha keh mujhay zaahiri shkl o soorat main behtari laani chahiye. Main us ka shukr guzar hoon. Agar woh yahaan maujood hai tau main us se baat krna chahta hoon. Us ka naam Grace Badell hai.”

Grace ka baap apni beti ka haath pakar kar Plat-form ki jaanib chlnay lagaa. Log unhain raasta detay gye. Us kay baap nay usay uthaa kar Plat-form par rakh diya.
Usay pyaar bhri muskuraahat kay sath yeh alfaz sunayi diye, ”Is nay khat likh kar kahaa tha keh mujhay daarhi rakh leni chahiye.”
Phir mzboot hathon nay Grace kau chhuwa, aur uuper uthaaya, aur dono gaalon par bosa diya aur phir pyaar se neechay kiya. Woh sab logon kau bhool gyi. Us nay uuper dekha tau khushi se qehqaha lgaaya kyun keh Sadr kay na-hmwaar chehray par usay daarhi nazar aayi thi.
” Grace!’ dekh rehi ho, na, sirf tumhari Khatir main nay daarhi rkhi.”

Grace us azeem , draaz-qad aur ba-kmaal insaan kau hairat se dekhti rehi. us ki khaahish thi , waqt hamesha kay liye yahin thumm jaaye. Lincoln nay us ka haath pakra aur pyaar se bola.
” Umeed hai, hum phir milain gay, Meri Nannhi Dost.”

Tab woh jaan gyi, yeh lamha uraan bhrnay wala hai. Lincoln nay railway ki seerhiyon par utrnay main us ki madad ki aur frman brdaar larki apnay zi-wqaar baap kay paas waapas chli gyi.

Usay Train ki siṭi aur engine ka shor phir se sunayi diya. Log dair tak apnay haath lehra lehra kar daad detay rehay, lekin Grace kay dimaagh main faqat teen alfaz goonj rehay thay. Haan , haan , bar bar wohi teen alfaz.
”Meri Nannhi Dost”