بصیرت کے بغیر طاقت تباہی ہے۔

ایک دن ایک تنہا ماہی گیر نے سمندر میں جال ڈالا۔ اس کے ہاتھ پیتل کی ایک بوتل لگی، جس کا منہ ڈھکن سے بند تھا اور اس پر مہرِ سلیمانی ثبت تھی۔ ماہی گیر اس راز سے بے خبر تھا کہ بوتل میں ایک خطرناک جن قید ہے جسے اس لیے قید کیا گیا تھا کہ انسان اس کے شر سے محفوظ رہ سکیں۔

ماہی گیرنے سمجھا؛ بوتل میں شاید کوئی قیمتی چیز ہو گی، اس لیے اس نے ڈھکن کھول دیا۔ بوتل سے دھواں سا اٹھا اور ایک دیوہیکل جن نمودار ہوا۔ جن نے زور دار قہقہہ لگایا اور دھاڑا، ’’میں بغاوت کی وجہ سے، ہزاروں سال سے اس بوتل میں قید تھا اور بالآخر آزاد ہو گیا ہوں. اب میں تمہیں ہلاک کر دوں گا۔‘‘

بے چارہ ماہی گیر پہلے تو خوف زدہ ہو گیا، پھر بڑی مشکل سے اپنے اوسان پر قابو پاتے ہوئے کچھ سوچ کر بولا، ’’مجھے تمہاری بات پر بالکل یقین نہیں آ رہا۔ تم اس چھوٹی سی بوتل میں کیسے سما سکتے ہو؟‘‘
جب جن اپنی طاقت ثابت کرنے کے لیے دوبارہ بوتل میں گیا، ماہی گیر نے فوراً ڈھکن اٹھایا اور بوتل کا منہ بند کر دیا پھر اسے پوری قوت سے سمندر میں پھینک دیا۔‘‘

برسوں بعد، اس مقام پر اسی ماہی گیر کے پوتے نے سمندر میں جال ڈالا اور وہی بوتل اس کے ہاتھ آ گئی۔ وہ اسے کھولنے ہی والا تھا کہ اسے اپنے باپ دادا کی نصیحت یاد آ گئی؛
’’انسان صرف وہی چیز درست استعمال کر سکتا ہے، جسے استعمال کرنے کا علم اس نے سیکھا ہو۔‘‘
یہ سوچ کر اس نے بوتل ایک غار میں چھپا دی اور مشورہ لینے کے لیے کسی دانا شخص کے پاس حاضر ہوا۔ دانا شخص نے مشورہ دیا؛ وہ جن سے دولت اور طاقت مانگنے کی بجائے علم اور بصیرت مانگے تا کہ سچ اورجھوٹ میں تمیز کر سکے۔ کیونکہ بصیرت کے بغیر نعمتیں بھی مصیبت بن جاتی ہیں۔

نوجوان واپس آیا اور جن سے اس کی طاقت کا کوئی ثبوت مانا۔ جن نے دعوی کیا؛ وہ بوتل کی قید سے نکلنے کے سوا، کس بھی طاقت کا مظاہرہ کر سکتا ہے۔ نوجوان نے جن کو آزاد کرنے سے پہلے، اس سے اپنی فکری الجھن کی حقیقت کے ادراک کی صلاحیت مانگی۔ جن نے اپنی ماورائی طاقت سے اسے حقیقت کا ادراک عطا کردیا۔
نوجوان کو اپنے آباء کی نصیحت کی حقیقت اور جن کے راز کا علم ہو گیا اور اسکا یہ شک بھی یقین میں بدل گیا؛