يہ سرود قمری و بلبل فريب گوش ہے
باطن ہنگامہ آباد چمن خاموش ہے

تيرے پيمانوں کا ہے يہ اے مےء مغرب اثر
خندہ زن ساقی ہے، ساری انجمن بے ہوش ہے

دہر کے غم خانے ميں تيرا پتا ملتا نہيں
جرم تھا کيا آفرينش بھی کہ تو روپوش ہے

آہ! دنيا دل سمجھتي ہے جسے، وہ دل نہيں
پہلوئے انساں ميں اک ہنگامہء خاموش ہے

زندگي کی رہ ميں چل، ليکن ذرا بچ بچ کے چل
يہ سمجھ لے کوئی مينا خانہ بار دوش ہے

جس کے دم سے دلي و لاہور ہم پہلو ہوئے
آہ، اے اقبال وہ بلبل بھي اب خاموش ہے