میں خود کو مایوس نہیں کرنا چاہتا۔

دنیا کا ہر کام ابتدا میں معمولی ہوتا ہے، لیکن جب اس کی تکمیل کے دوران شدید محنت کے ساتھ محبت اور خلوص کا لمس بھی شامل ہو جائے تو یہی معمولی کام عظمت کی علامت بن جاتا ہے۔
اپنے ہر کام کی تکمیل کے بعد انسان میں ستائش کی تمنا بیدار ہونا ایک قدرتی جذبہ ہے۔ داد و تحسین پا کر ہر انسان اپنا ہر آئندہ کام مزید محنت اور بھرپورلگن سے سر انجام دیتا ہے۔

مگر ایک سچا فن کار فن کی معراج پر تب پہنچتا ہے ؛
جب وہ خارجی تعریف سے زیادہ اپنی تخلیق کے ہر مرحلے میں اپنے کام کے ساتھ دیانتداری سے جُڑا رہتا ہے اور کسی فن پارے کی تخلیق کے دوران درپیش چیلنجز کو قبول کر کے ان پر فنکارانہ فتح حاصل کرنا اس کے لیے زیادہ اہم بن جاتا ہے۔
پھر جو ناقابل بیان لطف اسے میسر آتا ہے، اس کے سامنے ہر ستائش ریت کے گھروندے کی طرح بے معنی ہو جاتی ہے۔


ایک عمر رسیدہ آرٹسٹ سے جب سوال کیا گیا، آپ نے اب پرفارم کرنا کیوں چھوڑ دیا ہے؟
اس نے جواب دیا، اس عمر میں میرے جسم میں اب وہ سکت نہیں رہی کہ اپنی بہترین پرفارمنس دے سکوں، اس لیے میں لوگوں کو مایوس نہیں کرنا چاہتا، اور سب سے بڑھ کر یہ کہ میں خود کو مایوس نہیں کرنا چاہتا۔


کسی بھی کام کی حقیقی خوشی اور سچا صلہ یہ ہے کہ انسان خود کو مایوس نہ کرے۔ اس سے بڑا انعام اور کیا ہو سکتا ہے، وہ اپنے ساتھ دیانتدار رہے۔ دوسروں سے اپنی محنت کی داد چاہنے سے پہلے، وہ خود کو فخر سے کہہ سکے؛