​مرغوب آیا، یعنی مرغوب ہوا، مشکل پسند بت کی صفت ہے محض قافیہ کے لئے حاصل اس شعر کا یہ ہے کہ اُسے ایک ہتھے میں سو سو دل عاشقوں کے لئے لینا پسند ہے، پھر اس سو دل کی ایک تسبیح بھی مصنف نے بنائی ہے اور کہتے ہیں کہ گویا اُسے تسبیح کا شمار بہت مرغوب ہے اور یہ بھی احتمال ہے کہ مصنف نے بیک کف بردنِ صد دل میں حسابِ عقودِ انامل کی طرف اشارہ کیا ہے اور عقدِ صد کی یہ شکل ہے کہ چھنگلیا کی سر کو انگوٹھے کی جڑ میں لگا کر انگوٹھا سارا اُس کی پشت پر جما دیتے ہیں، عرب میں اس حساب کا رواج تھا، رسولِ خدا نے جس حدیث میں فتنہ چنگیز و ہلاکو و تیمور وغیرہ کی نہ منب بنت جحش سے پیشین گوئی کی ہے، اس میں ذکر ہے : حضرت ایک دن ڈرے ہوئے ان کے پاس آئے اور فرمایا: “لا الہ الا اللہ ویل للعرب من شرقد اقترب الفتح الیوم من روم ، یاجوج و ماجوج مثل ھذہ” یہ کہہ کر آپ نے کلمہ کی انگلی کو انگوٹھے سے ملا کر حلقہ بنایا ڈو حبیب اور سفیان بن عیینہ نے اس حدیث کو روایت کر کے عقدِ تسعین کی شکل دونوں انگلیوں سے بنائی، یعنی کلمہ کی انگلی کا سرا انگوٹھے کی جڑ میں سے لگا کر انگوٹھے کو اس کی پشت پر جمادیا، فتنہ تاتار سے کئی سو برس پیشتر کی کتابوں میں بخاری وغیرہ کی یہ حدیث موجود ہے، خوارزم شاہ نے جب دیوارِ ترکستان کو کھود ڈالا جب ہی سے چنگیز و ہلاکو و تیمور کوٹی اور سلطنتِ عرب کو تباہ کر ڈالا، اس زمانہ میں شاہ خوارزم قطب الدین سلجوقی تھے۔